Salude, mi narant Bakis!
Seu unu disenniadori creativu cun esperièntzia de marketing pro su web; traballu e bivu intra Casteddu, Barcellona e Madrid.
Mi praxit a mi spassiai cun su chi fatzu, circai bideas novas de isvilupai e genti toga pro trabalai impari.
Apu cumentzau sa carrera de disenniadori cuncordendi artworks e illustratzionis e oberrendi unu istùdiu professionali in Casteddu in su 2003.
Cun is annus, apu fatu gràfica pro: giassus web, campànnias eletoralis e polìticas, giornalis, catàlogus, tessìngius.
Apu partitzipadu a pesai Splinder, sa chi fiat sa prataforma leader de blog in Italia (2003 – 2012), fundada dae Tipic inc, una startup nàscia in New York.
In calidadi de responsàbili de produtu, femu parti art director e designer – cun sa punna de aportai bideas e funtzionis noas – e gestionadori de su cuntenutu e de sa saludi de sa community.
In s’annu 2006 su progetu s’at bendidu a sa multinatzionali DADA, parti de su grupu RCS – Rizzoli Corriere della Sera.
De manera cussighenti mi seu mòviu in Florèntzia pro sighiri su traballu, cun particolari atentzioni a su manìgiu de produtu (product management) e coordinamentu de su team de community, isvilupu e crm.
In s’annu 2010 mi seu mòviu a Madrid inue apu pigau sa diretzioni de sa divisioni italiana de beruby, unu serbìtziu internatzionali de cashback, sighendi totus is atividadis, in particolari: customer experience e affiliate marketing (CPA, CPL, pixel e paressidos), e totu su cuncordu de sa comunicatzioni e gestioni, cumenti newsletter, SEO, analytics etc.
Oi traballu cumenti free lance, con ispeciali atentzioni a su disènniu creativu e a su marketing pro su web.
Potzu agiudai a cuncordai unu bonu look and feel (aparèntzia e impressione) pro su brand tuu, con un’imàgini e una comunicatzioni funtionzali, imperendi sa tecnologia e is fainas a disponimentu pro otènni is mellus arresurtadus cun is impreadoris e is clientis.
