Su connoschimentu de su graphic design si basat asuba de cuntzetos elementares, comunos a totu s’universu de is artes visivas e gràficas. Ddos podemus resùmere in 6 printzìpios generales. Su primu est chi sa base de totu est sa tipografia.

Su connoscimentu de sa tipografia e s’istùdiu de is caràteres rapresentant una de sas bases fundamentales pro dònnia designer e, de seguru, una de is primu matèrias de inue cumintzare a istudiare.

Cantus bortas cumprendimus sa personalidade de unu disconnotu simpremente castiende a sa calligrafia sua? Fatuvatu, un’iscritura impressida, curada, a “franca de pudda” o sbilenca nos narant giai cun cali tipu de persone amus a andare a nos relatare.

Pro unu designer est sa matessi cosa: sa cura chi si cuat in su sèberu de unu font faghet cumprèndere dae deretu a su mundu (e non petzi a is àteros designer) cales sunt sas intentziones e cale messàgiu cheret trasmìtere.

Sa manera in cale unu designer sèberat e impreat unu caràtere tipogràficu no diat dèpere mai èssere frutu de sa casualidade, ma de unu sèberu meditadu e fundoriadu, chi ponet su caràtere in relatzione a s’obietivu finale de su progetu suo.

A diferèntzia de cantu càpitat pro s’iscritura a manu lìbera, sa tipografia tenet una gama de possibilidades galu prus ampra, sende chi est possìbile creare progetos gràficos intreos sceti impreende caràteres tipogràficos e cumbinende-ddos intre issos.

Faghet a trasformare unu progetu intreu andende a alterare e a cumbinare mègius sos caràteres impreados. Sa dinàmica cun cale s’impreant sos testos podet, in custa òtica, devènnere su aspetu creativu berdaderu de unu progetu.

Chi t’agatas s in su grupu de cussos chi pensant chi una “A” siat una “A”, puntu e bastat, prescìndende de su caràtere cun cale benit assentada, ischie ca in dònnia lìtera si cuat un’universu intreu chi càmbiat e si trasformat, a segunda de cumente sa lìtera benit iscrita e realizada.

Una “C” presente asuba de unu pachete de “Camel”, e una “C” posta asuba de una cunfetzione de coriàndolos in bèndida in su stancu, tenent balore aguale, cando faeddamus, ma sa rapresentatzione issoro benit dae bisòngios comunicativos a fundu diferentes.