Su logo est s’imàgine chi si tirat a collegare prus facilmente a unu brand (marca) e, pro custa resone, depet reflessionare sos balores e is obietivos de su brand etotu.

Pro cuncordare unu logo eficatze, custu importante elementu de sa brand identity (identidade de sa marca), depet èssere ordingiadu in manera istratègica.

In antis de totu, su logo depet èssere facilmente arregonnoscìbile siat in mannas chi in minores dimensiones, sigumente giogat unu ruolu preponderante pro sa brand recognition (arregonnoscimentu de sa marca) e sa brand awareness (cussièntzia de sa marca).

In prus, est prètzisu chi no siat paressidu o tèngiat elementos paressidos a su logo (o a unos àteros elementos de identidade visiva) de sos competitor (sa cuncorrèntzia): fintzas su colore tropu paressidu podet fàere cunfusione poita, a is bortas, est pròpiu unu colore o una un’ispecìfica secuèntzia de colores a caraterizare unu logo (cumente a s’in casu de Google, pro esempru).

Su logo depet èssere in gradu de arreflessionare s’identidade de sa marca, resone pro cale in casu de mudadas mannas de s’impresa podet èssere netzessàriu unu rebranding (càmbiu de brand) chi cumprendat fintzas un’adeguamentu de su logo a sos obietivos noos o a is caraterìsticas de su business.

Tratende·si de unu sinnu in gradu de si rapresentare in manera gràfica, su logo si podet registrare cumente unu màrchiu e achirire fintzas unu balore cumertziale de importu.

. . . . . . . . . . . . . . . . . . . . .

Sa fueddu “logo” derivat dae su gregu “λόγος” chi bolet nàrrere pròpiu “fueddu”.

A beru, su logo presentat a su sòlitu unu lettering (lìteras) ispecìficu meda chi funtzionat cumente a elementu identificativu de su brand: si penset, pro esempru, a cuddu de sa Coca-Cola o de Walt Disney inue su logotipu consistit in su fueddu cumpletu a solu.

Ma su logo si podet formare dae unas àteras tipologias de elementos:

· Monogramas: cumbinatziones o subrapositzionamentos de duas o prus lìteras de su nùmene de su brand. Un’esèmpiu est cuddu de Yves Saint Laurent;

· Acrònimos: costituidos dae sas primas lìteras de su nùmene de s’azienda o de su produtu, cumente a su logo de IBM, chi istat pro “International Business Machines Corporation”;

· Pitogramas: sìmbulos o disinnos chi illustrant unu ogetu, unu cuntzetu o un’elementu rapresentativu de impresas, fainas o produtos. In carchi casu su sinnificadu de su sìmbulu est meda ladinu (sinnos iconogràficos, cumente su su brand BIC).

Sas impresas, comuncas, podent seberare cumente a pitograma fintzas un’ogetu chi no pertocat in manera deeta su core business, ma prus un’ idea, unu cuntzetu o unu balore ispecìficu chi si podet arregordare cun un’ogetu pretzisu.

Est su casu de sa mela mussiada de Apple, chi si podet bìere cumente a sìmbulu de trasgressione. 

S’istrategia comunicativa depet èssere bene istudiada in modu de afortiare in sa mente de sos consumadores ‘alligòngiu intra su sìmbulu e su brand. Su logo podet èssere costituidu, cumente si siat, de elementos prus complessos cumente a, pro esempru, una mascotte o unu personàgiu (si penset a su logo de Stabucks);


· Diagramas: sinnos distintivos astratos chi no representant elementos beros – cumente a su logo de Nike – ma chi podent tènnere unu significadu ispecìficu alligongiadu a s’istòria de s’impresa;



· Pay-off: fatuvatu asu logo dd’acumpangiat su chi si narat pay-off, est a nàrrere una frase chi afortzat su messàgiu o s’idea chi su brand cheret veiculare e chi podet, annotamala, serbire de crae interpretativa pro su logo matessi, promovende alligongios intra su brand, su logo e unu cuntzetu, in sa mente de sos consumadores.