S’ispàtziu biancu si depet cunsiderare cumente un’elementu ativu, no cumente a un’isfundu passivu – Jan Tschichold
Pròpiu cumente a sa mùsica, fata de sonos e mudìmenes, sa gràfica est fata de colores e ispàtzios biancos puru, e dae s’unione de custos benet s’arresurtadu finale chi chergiamus cròmpere.
Is ispàtzios biancos, intendidos cumente ispàtzios “sbuidos”, agiudant a istabilire echilìbriu e armonia visiva aintru de unu progetu gràficu. Serbint a collegare in manera cuntzetuale elementos vàrios intre issos e a crèschere ligibilidade e fruibilidade de unu progetu.
Imparare a gestire sos ispàtzios biancos e a nd’isfrutare sas dinàmicas est a beru importante meda pro creare design de calidade ca s’ispàtziu biancu, chi s’impreat bene, esaltat e no degradat sa forma ma ddi cunferit tzentralidade e dinàmica.
Cumente megiorare in sa gestione de s’ispàtziu biancu in unu progetu?
Su cussìgiu est su de si mòvere semper dae s’àmbitu tipogràficu, inue s’ispàtziu biancu acumprit unu ruolu detzisivu pro garantizare una ligibilidade bona.
In sa tipografia, b’at ispàtzios biancos micro e ispàtzios biancos macro. Cuddos macro sunt, a esèmpiu, is màrghines de una pàgina o su “padding” in unu giassu web. Is micro, imbetzes, sunt cosas cumente a sa crenatura, sa spatziadura e s’interlìnea,
Imparare a gestire bene sos micro ispàtzios biancos est giai unu passu a in antis: unu de sos aspetos prus difìtziles in sa tipografia, a esèmpiu, est sa gestione de su kerning (o crenatura, est a nàrrere s’ispàtziu intre is caràteres in unu font). Un’agiudu in custa diretzione est custu gioghitu chi apu iscobertu: Kern Type, inue bisòngiat aconciare is lìteras in manera de ddas fàghere tènnere su kerning giustu.
Deo apo fatu 93/100, ti disafiu a fàghere mèllus! Iscrie in is cumentos a custu artìculu su resurtadu tuo! 🙂
Unu àteru cunsillu pro allenare s’ogru in sa gestione de is ispàtzios biancos est su de pigare unu progetu de gràfica famadu, disenniare s’asse de sas x e de sas y, semplificare sos elementos de su progetu in formas base, analizare cumente a custos elementos funt bilantziados intre issos e in fines ddos torrare a organizare, tenende in contu is ispàtzios e sas relatziones intre de issos.
Su cunsillu, in dònnia casu, est de fàghere semper grandu atentzione a cumente is ispàtzios sbuidos influentzant sos elementos e sos echilìbrios
