Cun social media o mèdias sotziales s’intendent totu cussos servìtzios online chi sas persones impreant pro cumpartzire cuntenutos, siant custos testuales, imàgines, vìdeo e audio.

Is mèdias sotziales funt difarentes dae is mèdias traditzionales comente a giornales, televisione e tzìnema, pro ite sa comunicatzione no est prus unu monòlogu unidirezionale (dae unu a medas) ma unu diàlogu (dae medas a medas).

Inoe calincuna de sas diferèntzias fundamentales intre is duos tipos de mèdia:

1. atzessibilidade: 
is mèdia traditzionales funt generalmente de propiedade privada, mentras is trastos de is social mèdia, mancai sa prataforma tecnològica fatuvatu pertenessit a impresas, funt a disponimentu de totus de manera gratuita o barata;

2. fruibilidade:
sa gestione de is ainas de unu mèdia traditzionale recherit formatzione e cumpetèntzias specialìsticas; custu generalmente non sutzedit pro sos social mèdia chi fintzas, a is bortas, torrant a definire cumpetèntzias noas;

3. lestresa:
una calidade de is social mèdia est sa possibilidade de prodùere cuntenutos e comunicare in manera tempestiva, cosa chi a s’ispissu no est tecnicamente possìbile pro is mèdias traditzionales pro bia de sa cumplessidade (e fintzas de su gastu econòmicu) pro sa produtzione de is cuntenutos;

Is mèdias sotziales dipendent duncas printzipalmente dae s’interatzione intra persones pro mèdiu de s’impreu de sos prus diversos canales tecnològicos: microblog, retzas sotziales, wiki, social bookmarking, giassos de opinione, prataformas de co-creatzione, photo e video sharing, livecasting, podcast, promotzione musicale, mundos virtuales, gaming online, game sharing e unos àteros noos chi naschent ogni die.

Pro custas resones is social mèdia ant assùmidu un’importu mannu fintzas pro su marketing a banda de is impresas chi, aintru de custos ispàtzios, depent torrare a imbentare sa manera de comunicare insoru.

Inoe sas printzipales prataformas online chi oe atraent is prus impitadoras e is prus imbestimentos a banda de is impresas:

· Facebook,
sa retze sotziale pro primore, chi cunsentit su cuncordu de profilos personales e pàginas pro impresas, pessonàgios e servìtzios;

· Instagram,
naschidu comente app mòbile dedicada a sa publicatzione de foto, oe est impreada fintzas comente a retze sotziale genèrica de impitadores privados e aziendas;

· Pinterest,
est unu servìtziu chi permitet a is impreadores de ordingiare pàginas inue allogare immàgines e cuntenutos agatados in su web. Fintzas in custu casu, su giassu cunsentit a is impresas de creare ispàtzios e cumpartzire cuntenutos e prodùitos;

· Twitter,
est una retze sotziale de micro-blogging, est a nàrrere inue is impreadores (privados e pùblicos) podent cumpartzire sceti cuntenutos testuales meda curtzos, a bande de alligòngios, imàgines, viìeo e diretas de streaming.

Pro resone de s’importu mannu de sa presèntzia in mèdias sotziales, oe is impresas dèdicant a custa fains dinare meda e profilos professionales ispetzializados.
Online s’agatant servìtzios medas, de badas e a pagamentu, chi agiudant a su manìgiu, su còmpudu e a sa misuratzione de is obietivos in su social.

De is trastos prus famados impreados dae is “social mèdia manager” s’agatat Hootsuite, una prataforma chi cunsentit de gestionare difarentes contas in is medas giassos de retzes sotziales e torrare prus sentzillu su programare is vàrias operatziones.