S’email marketing est unu tipu de marketing deretu chi impreat sa posta eletrònica cumenti a mèdiu po comunicai messàgius, cumertziales e nono, a su pùblicu.
Si faeddat de email marketing candu s’imbiu pertocat messàgius po achiriri clientis nous, mantenni is bècius o ddus aconcai comporai luegu carchi cosa (call to action).
Sa faina publitzitària online basada in s’imbiu de unu messàgiu publitzitàriu po mèdiu de email cara a una lista preselezionata de impreadores dda narant Direct Email Marketing (o, in acrònimu, DEM).
In die de oe sa pràtica de email marketing s’est ispetzializendi a prexeri de un’imbiu a impreadoris sempri prus sceberaus segundu is atividadis insoru in su situ de chini acumprit sa faina de marketing (pro assempru, imbiu automàticu de email a cussus impreadoris chi lassant unu carrellu de còmpora antis de su pagamentu).
S’e-mail marketing tenit vàrios avantàgios:
· est prus pagu gastosu de su marketing diretu fatu cun paperi;
· sa torrada in s’investimentu (mutida fatuvatu cumenti ROI – return on investment) est prus de bator furriadas superiori respetu a is àteros canalis de marketing;
· est istantàneu, mescamente chi comparau cun sa posta de paperi: un’e-mail arribat in segundus o minutus;
· permitit a su publitzitàriu de “ispìngi” su messàgiu a su pùblicu, a su contràriu de unu sitiu web chi “abetat” si bisitadoris;
· est sintzillu de compidai: dònnia imbiu tenit difarentis mètricas misuràbilis chi donant informatzionis pretziosas po mellorai: tassu de abertura e de incracadas in sos alligòngius, cantus ant marcadu s’email cumenti a spam, cantus ant acabau una còmpora a pustis de s’incracada etc;
·acussentit de istabiliri una relatzioni “unu a unu”, est a nai chi su messàgiu podit essi personalizau in base a su destinatàriu chi dd’at a arriciri;
· permitit de fai proas po bìri cali tipu de messàgiu produit mellus arresurtaus.
Mailchimp est sa prataforma online chi impreu pro su cuncordu e su manìgiu de campànnias de email marketing.
Cun Mailchimp si podint manigiai medas mailing list e gestionare difarentis istilis de email segundu is bisòngius: newsletter periòdicas o email de servìtziu pro is clientes, totu cun atentzioni a sa protzeduras de iscritzioni e a sa de annullamentu in lìnia cun is normativas de privatesa.
Mailchimp acussentit fintzas protzeduras avanzadas cumenti, intras medas, imbiai email automàticas a is clientes chi lassant a mitadi una còmpora online.
