In custas dies apu batiu a tèrmine unu progetu pititcu cun Michela Secchi, autora de Sa bentana in s’àrbore (La Finestra sull’Albero), blog asuba de sa didàtica in s’iscola primària, iscostiendi su blog suu dae wordpress.com a un’ispàtziu autònomu.

Su blog istandard est una pàgina bona po sa publicatzioni de artìculis in òrdine cronològicu e podit tènni unus lìmites: chi sus temas de tratai funt medas e s’autore bolit articulai is argumentus (po assempru chi bolit fruniri materialis de iscarrigai, impreai gallerias de imàginis etc) b’at bisòngiu de prus logu.

Cun Michela eus detzìdiu de torrai a organizai totus is artìculus in rubricas, un’ àrea cun is librus de interessu impreaus in classi e una setzione minore pro sa bèndida de cuntènnidus ‘premium’.

Imoi sa pàgina podit dispònni de unu sistema de analìtica avantzadu (#GoogleAnalytics, chi cunsentit un’istùdiu detalliau de su pùblicu chi impreat su situ, de cales pàginas funt prus interessantes e gai bia) e trastus esternus cumente a su de sa #newsletter, cun s’apògiu de #Mailchimp, semper in su respetu de sas normativas noas in sa gestioni de is datus personalis.

Su situ est puru bene acrobadu a is retzas socialisl chi Michela sighit cun atentu e cun materiales semper bene acòncius a segunda de su canale: #Facebook, #Instagram e #Pinterest.

Cun custa ristruturatzione eus arrennèsciu puru a isbrigai sa chi narant “monetizzazione de su tràficu” est a nàrrere de ricavai carchi intròitu de su tràficu generadu in su situ — cosa chi no est fècili e chi arrennescint a fai sceti pàginas cun tràficu artu o cun cuntènnidus de calidad arta.

. . . . .

Custu progetu est unu clàssicu mix de #webmarketing e #productmanagement: su traballu gràficu at stètiu mìnimu (at pertocadu sceti unu estyling lèbiu de su logotipu) ma si-nc’est cuntzentradu in manera majore subra cumenti a fai agatai lestru is cuntentus originales (fintzas cussus prus bècios, normalmenti penalizadus in s’organizatzione cronològica de unu blog) e subra cumentu ponni in luxi is mellus materialis didàticis, originales e no, sena rechèrrere a s’impitadore longas chircas in s’archìviu.

Isperemus chi custu làntzu nou at a portai ortuna a Michela.

Abarrat raru: po unu traballu bonu est pretzisu tenit costàntzia, fai compudu (cun Analytics e atrus trastus) e un’arrangiu costanta cun sa punna de mellorai su servìtziu – mancai, in su casu de Michela, su situ web sceti est un’aina po mantènni biva sa passioni printzipale sua:
is pipios, s’insegnamentu e s’iscàmbiu de esperièntzias didàticas cun is àterus insegnantes.